P66K nga salapi nakumpiskar sa Negros Detention and Rehabilitation Center

CEBU – Nakumpiskarsa mga kapulisan ang dili mominos nga P66,000 nga salapi sulod mismo sa Negros Detention and Rehabilitation Center (NODRC) kagahapong adlawa.

Gikatahong gipatuman sa kapulisan ang Oplan Galugad sulod sa prisohan nga niresulta sa pagkakompiskar usab sa mga nagkadaiyang cellphones, charger, hait nga hinigiban, battery sa cellphone, sim card ug uban pang kontrabando.

Giturn-over ang maong mga kontrabando ngadto ni PTCOL Alfonso A. Enriquez (Ret.) kinsa maoy bag-ong OIC warden NORDC, alang sa tukmang disposisyon.

Matod sa mayor-mayor sa mga piniriso nga natigom nila ang maong salapi pinaagi sa pag-amot amotay aron kini pagagamiton sa ilahang Christmas Party o pagagamiton kung adunay usa kanila ang masakit.