Gipasar sa House Committee on Appropriations ang gisugyot nga P7.2-trillion national budget alang sa tuig 2027.
Gipahibalo ni Committee Chairperson Mikaela Suansing nga giaprobahan ang taho nga walay kausaban sa pagkakaron samtang wala pa magtigom ang Budget Amendments Review Subcommittee (BARSC).
Hisgotan ang mga gisugyot nga kausaban inig-tigom na sa BARSC, lakip na ang dugang pondo alang sa pagkuha og bag-ong mga magtutudlo, ang ARAL program sa Department of Education, ug ang tabang sa abono ug solar-powered irrigation pumps sa Department of Agriculture batok sa El Niño.
Gipasalig usab ni Suansing nga i-livestream ang tanang diskusyon sa BARSC aron masiguro ang transparency sa bisan unsang realignment sa pondo.
Magsugod ang debate sa plenaryo sa Kamara karong adlawa, Setyembre 15, diin gitinguha sa mga magbabalaod nga mapasar ang 2027 budget sa dili pa ang Oktubre 9.
