Human sa umaabot nga exhibition fight ni Pinoy boxing great Manny Pacquiao batok sa Japanese mixed martial artist nga si Chihiro Suzuki sa buwan sa Hulyo, kompirmado nga giandam na ang negosasyon alang sa iyang pagbalik og potensyal nga world title fight batok ni Mario Barrios.
Ang 45-anyos nga boksidor miingon nga kinahanglan pa nga ayohon ang WBC welterweight world title fight batok sa Amerikanong boksidor nga si Barrios.
Gidugang niini nga mahimo kini sa Nobyembre o Disyembre apan nagdepende kini sa mga resulta sa mga pakigpulong.
Kahinumdoman nga ang kanhi Senador nipadayag sa iyang tinguha nga mosalmot sa Paris Olympics apan wala kini subay sa lagda sa International Olympic Committee.
Kapin na sa duha ka tuig sukad sa katapusang professional fight ni Pacquiao apan napakyas kini batok kang Yordenis Ugas sa Las Vegas ug niadtong Disyembre 2022 nakig-away siya sa exhibition fight ni DK Yoo sa South Korea.
