Gibutyag ni Senador Robin Padilla nga migamit pa gani siya sa Google aron masabtan ang mga legal nga termino kalabot sa iyang pagsupak kang Senador Francis “Chiz” Escudero nga nagsilbing presiding officer sa impeachment trial batok kang Bise Presidente Sara Duterte.
Sa pagdungog nga gipahigayon, si Padilla usa sa walo ka senador nga mibotar batok sa pagpangulo ni Escudero sa impeachment proceedings.
Sumala ni Padilla, kinahanglan siyang mag-research aron mas masabtan ang mga legal nga termino.
Diin pag-angkon niini nga nangayo siya og tabang sa Google kay kini mga legal nga termino. Dugang niini, wala siya nigradwar sa UP, wala usab siya nigradwar sa Ateneo. Nigradwar kini sa criminology. Ug sa UP pud: University of Prison,” matod ni Padilla human sa botohan.
Mahinumduman nga ang minority bloc sa Senado nagduso kang Senate President Sherwin Gatchalian nga magsilbing presiding officer sa impeachment trial ni Sara Duterte.
Si Sen. Padilla miingon nga ang Konstitusyon kinahanglan sundon kung kinsa ang mopreside sa husay kung ang Bise Presidente anaa sa husay.
“Ang balaod tukma. Dili kini mausab o matuis. Bisan unsa ang giingon sa Konstitusyon, nanghinaut ko nga atong sundon kini,” dugang sa senador.
