Gibutyag ni Lapu-Lapu City Mayor Junard Ahong Chan nga andam na ang City Government sa epekto sa coronavirus gikan sa Wuhan, China.
Matod ni Chan nga nakig-alayon na sila sa Department of Health (DOH), Department of Interior and Local Government (DILG), barangay health worker, mga establisyemento sa maong dakbayan, chinese community, ingon man mga tambalanan.
Sigon pa sa Mayor nga aduna na siyay protocol sa syudad gumikan agianan man kaayu sa mga turista.
Bisan paman ug aduna nay thermal scanner ang airport apan matod pa dili gihapon kini kasiguradoan nga libre na sa coronavirus ang mga torista nga musulod sa Central Visayas.
Dugang pa ni Chan nga kun adunay mga sintomas niini nga kaso sa mga hotel kung diin naka-base ang turista, dali kining mopahibaw sa syudad gumikan aduna may gipakatap nga duha ka numero aron makahibaw dayun ang mga establisyemento kun unsaon nila pag-handle.
Gani matod pa aduna usab silay gipakatap nga mga tarpaulin aron di magpanic ang mga bisita o turista nga musuroy sa maong dakbayan. (Lahvi Quiñones)
