CEBU – Giangkon sa usa ka pagtuon nga mamahimong makatabang ug maka-agni sa mga bata sa pagkaon og utanon ang paghatag kanila og reward o ganti.
Matod pa sa lead researcher Britt van Belkom, sa Youth, Food and Health program sa Maastricht University’s Institute for Food, Health and Safety sa Netherlands, nga important alang sa mga bata nga mokaon og utanon sa mintras bata pa ang edad.
Gibutyag ni Belkom nga kinahanglan unang masuwayan sa mga bata nga mokaon og utanon sa 10 ka higayon una kini sila makauyon o maganahan.
Hinungdan, nga nakita sa ilahang mga kaubanan ang pagsuway sa paghatag og reward o ganti aron mohimo og kalahian ingon man mag-agni sa mga bata nga mokaon og mga utanon.
Sa sinugdanan ug katapusan sa pagtuon, gi-assessed sa mga researchers ang kaalam sa mga bata kabahin sa 14 ka utanon nga kamatis, lettuce, pipino, carrot, bell pepper, bombay, broccoli, peas, cauliflower, mushrooms, green beans, chicory, kalbasa ug asparagus ug ang ilahang willingness sa pagtilaw sa 6 lang ka klase.
