METRO MANILA-Gisugdan na ang diskusyon sa gisugyot nga nasudnong pundo para sa 2025 pinaagi sa briefing sa Development Budget Coordination Committee (DBCC), Karong adlaa Agosto 13, 2024.
Si Senate Committee on Finance Chairman Senador Grace Poe maoy nangulo sa diskusyon sa gisugyot nga P6.352 trilyon nga national budget alang sa sunod tuig.
Ang mga opisyal gikan sa Department of Budget and Management, Department of Finance, National Economic and Development Authority, Office of the President, ug Bangko Sentral ng Pilipinas didto sa DBCC briefing.
Si Senador Poe niingon nga ilang segurohon ang transparency, accountability, ug maalamon o makatarunganong paggamit sa mga kahinguhaan sa gobyerno.
Dugang pa, nga molungtad hangtod Oktubre 18 ang pagsusi sa gisugyot nga nasudnong budget.
Matod niya, plano nilang isumiter ang committee report sa 2025 national budget ug aprobahan ni Presidente Ferdinand Marcos Jr. sa unang semana sa Disyembre.
Una nang gipasalig ni Senate President Francis “Chiz” Escudero nga mga ahensya lang nga nanginahanglan og confidential ug intelligence funds ang mahatagan niini.
