Nagpagawas og nga pahibalo si Mayor Gungun Gica alang sa tanang lungsuranon sa Dumanjug kabahin sa pagpalambo sa seguridad sa mga eskwelahan ug pagpasidaan bahin sa mga wala marehistro nga armas.
Tungod sa bag-ohay lang nga insidente nga nahitabo sa Ateneo de Zamboanga, opisyal nang gilibkas ang pagdili sa pagdala og cellphone sulod sa kampus aron masiguro ang abli nga komunikasyon panahon sa emerhensya ug kaluwasan sa mga estudyante.
Bisan pa niini, ang mga lagda sa klase gipatuman gihapon, diin gidili gihapon ang paggamit og cellphone atol sa mga leksyon. Giawhag usab ang mga magtutudlo sa pag-andam og gitagana nga lugar para sa mga cellphone nga tipigan sa klase, ug mahimo kining kuhaon sa mga estudyante human sa klase o kung adunay emerhensya.
Sa susamang higayon, ang lungsod ug ang Dumanjug PNP nanawagan usab sa tanang residente nga adunay mga armas nga expired na ang lisensya o wala marehistro nga boluntaryong itugyan kini sa Municipal Police Station alang sa luwas nga pagtipig.
Gipasabot sa mayor nga walay kasong kriminal nga ipasaka batok sa mga boluntaryong mosurender, ug ang mga armas ibalik lamang kung makompleto na ang opisyal nga rehistrasyon ug pag-renew.
Subay niini, hangtod sa Agosto 25, 2026 sa alas 5:00 sa hapon isip katapusang adlaw sa pagsurender, ug sa higayon nga moabot ang Agosto 26, 2026, ang kapulisan dili magduha-duha sa pag-aplay alang sa Search Warrant ug pagpasaka og pormal nga mga kasong kriminal batok sa mga nailhan nga naghupot niining mga ilegal nga armas.
