Giisip nga dakong kadaugan sa mga mag-uuma ang paglibkas sa taripa sa kapin sa USD 1 bilyon alang sa gricultural product sa Pilipinas.
Kini ang gipaambit ni Leonardo Montemayor, former agriculture Secretary sa federation of free farmers chairman nga dako kini og benepisyo sa negosyo human giwagtang sa Estados Unidos ang buhis, lakip na ang ubang industrial nga produkto.
Tungod niini, mamahimo ng mosulod nga duty-free ang halos katunga sa total export nga USD 14.5 bilyon sa Pilipinas paingon sa US human gi-exempt usab ang daghang industrial products sama sa semiconductors.
Lakip sa mga produkto nga giwagtang ang 19% tariff mao ang saging, lubi, mangga, pinaugang bayabas, kape, tsa, mga rekado, ug pipila ka abuno.
Ingon man nga ang pagtangtang sa taripa makapapalig-on sa kompetisyon sa agricultural exports, makadugang trabaho, ug makapalig-on sa supply chain.
Kahinumduman, gipahibalo sa white house ang nahimong desisyon sa administrasyon sa US nga wagtangon ang taripa sa agrikultura human sa reciprocal trade negotiations ug pagkonsiderar sa demand ug kapasidad sa produksyon sa pipila ka produkto.
