Walay pugsanay ug dili sala ang dili pagpa-badlis sa Ash Wednesday karung adlawa.
Gipasabot ni Monsignor Joseph Tan, ang tigpamaba sa Archdiocese of Cebu, nga dili obligado ang mga Katoliko nga magpa-badlis, apan giawhag lang sa Simbahan nga mo tambong sa santos nga misa.
Matud pa, karung adlawa magsugod ang paghandom sa Kwarisma, usa ka labing balaan nga panahon sa Simbahan.
Gitino ni Monsignor Tan nga mahimong dili manimba ug dili magpa-badlis apan gikinahanglan ang pagpu-asa sama na lang sa dili pag-kaon sa bisan unsa nga matang sa karne gawas na lang isda.
Apan iyahang giklaro nga ang pagpu-asa kay sa adlaw lang nga Miyerkules o karung adlawa ug adlaw sa Biyernes Santos.
Nagkanayon kini nga wala’y ma-impyerno gumikan kay mo pasaylo man ang Diyos apan sa ngalan sa Simbahan kay ang tawo nakasala gumikan kay supak man kini sa pagtulun-an, apan giingong ang sala kay mapasaylo.
