CEBU – Dugang pas-anon na usab alang sa mga Pilipino ang plano sa Department of Finance nga padak-an ang buhis sa katawhan gumikan sa dako nga utang sa Pilipinas.
Gibutyag ni Atty. Jonathan Capanas, Dean sa College of Law sa University of San Jose Recoletos (USJR), nga nagkinahanglan ug P300 billion kada tuig ang gobyerno sa Pilipinas arun nga makabayad sa P13 trillion nga utang niini.
Matud pa, gawas sa pagpahamtang ug dakong buhisan sa katawhan, adunay lain nga option ang gobyerno, sama na lang sa pag-address sa ‘wastages’ sa panudlanan o ang pag-usik sa pondo sama sa issue sa Pharmally, tarungon paggamit ang revenues, ingon man panghingusgan ang pagkolekta sa mga buhis.
Nagkanayon si Atty. Capanas nga normal lang sa usa ka nasud nga mangutang alang sa paspas nga development, apan problema sa Pilipinas mao ang pagbayad, diin usa gayud sa kuha-an sa income mao man ang buhis, ug dili kini kapa-igo kung dili mangutang.
