Gikabalak-an karon sa mga ekonomista ang subling pagpahamtang ni U.S. President Donald Trump og dakong taripa sa mga global trading partners sa Estados Unidos diin naaprobahan na.
Gipahibalo ni Trump nga ang iyang tumong niini kay ang pagpalig-on sa industriya sa manufacturing sa America ug isakto ang mga dili makatarunganon nga naandan ug gitawag kini sa White House nga “Liberation Day.”
Apan ang mga ekonomista nahadlok nga ang mga taripa moigo sa mga kaalyado ug mga kaatbang sa Estados Unidos, nga nag-ingon nga kini makapahuyang sa ekonomiya sa Estados Unidos, hinungdan sa pagsaka sa presyo sa mga palaliton, ug makaapekto sa tibuok kalibutan nga pamatigayon sa nasud.
Kini may kalabotan sa 25% nga taripa nga una nga gipahamtang sa Amerika sa mga import sa awto gikan sa China, Canada, ug Mexico.
Bisan kung ang White House nagpabilin nga positibo bahin sa mga epekto sa taripa, daghang mga ekonomista ang nagpasidaan nga adunay epekto usab kini sa mga kaalyado nga nasud sa America.
Samtang, ang pipila sa mga kaalyado niini, sama sa Canada ug European Union, nangandam na alang sa mga countermeasure nga ihatag sa Estados Unidos.
