Gipadayag ni US President Donald Trump nga ang gubat batok sa Iran mahimong matapos pinaagi sa usa ka kasabutan, apan nagpasidaan usab kini nga ang mga pagpamomba magpadayon ug mas mo-grabe kung dili kini makab-ot.
Sa usa ka post sa Social media niini, sumala ni Trump, nga kung dili mo-uyon ang Iran, magsugod na usab ang pagpamomba sa mas taas ang lebel ug kusog kumpara kaniadto.
Ang maong pamahayag misunod human gibutyag ni US Secretary of State Marco Rubio nga ang “offensive stage” sa giyera sa Iran “natapos na.”
Sa samang adlaw, gipahibalo usab ni Trump nga ang operasyon sa US aron tabangan ang mga sakayan nga na-stranded sa Strait of Hormuz ilawom sa “Project Freedom”, temporaryong gipahunong.
Sigon usab sa Iranian foreign ministry spokesperson nga ang sugyot sa US aron tapuson ang giyera “gikonsiderar pa,” samtang laing opisyal mingbutyag nga kini sama sa “wish-list kompara sa realidad.”
