Nagtumong ang pamunuan sa Department of Education nga makatukod og kapin sa 105,000 ka classrooms sa nasod pinaagi sa public-private partnerships.
Mao kini ang gi-anunsyo ni Sonny Angara ang Education Secretary, atol sa pagsugod ugpag-abli sa school year 2025-2026, kagahapong adlawa, Lunes, Hunyo 16, 2025.
Si Angara niingon nga ang dugay na nga gintang sa imprastraktura sa mga publikong eskwelahan sa nasud usa ka dakong hagit alang kanila, busa giduso ug gipanghingusgan niini ang public-private partnership nga nagbalor og binilyon nga kantidad aron lang matubag ug masolusyunan ang gi-atubang nga krisis .
Apan, kini nga kantidad, utangon kini sa Pilipinas, ug nam-anam nga bayran sa gobyerno sulod sa napulo ka tuig.
Gipanglangtawan ni Angara nga kinahanglan nila kining buhaton nga lakang aron dili mabiyaan ang sektor sa edukasyon sa Pilipinas.
Base sa datus sa ahensya, niabot gihapon sa 165,000 ka classrooms ang classroom backlog sa tibuok nasud nga nagkinahanglan og paspas nga aksyon. | Bombo Irene Ardiente
