CEBU CITY-Gihulagway ni Police Regional Office (PRO-7) Regional Director Police Brigadier General Albert Ignatius Ferro nga usa ka ‘sad development’ ang pagsaka sa ihap sa covid-19 cases sa mga sakop sa kapulisan.
Kini human usab nga mukabat na sa 4 ka mga pulis ang mga nangamatay ug dunay kapin 40 ang active cases.Hinungdan nga dunay mga napuno nga 106 ka mga police personnel nga gikan sa Region 6 ug 8 aron nga mutabang sa pagprotektar sa katawhan ug sa pagmintinar sa peace and order sa rehiyon.
Matud ni Ferro sa dihang nahinabi sa Bombo Radyo Cebu sa tulumanong Zona Libre nga dili gyud malikayan nga dunay mamatay sa ilang han-ay niining panahon sa pandemya apan padayon ang paningkamot alang sa kaluwasan sa kinabag-an.
Hinoon, gikalipay usab sa kapulisan ang mga natalang 40 kapin nga mga nakarecover usab ug makabalik na sa serbisyo.
Gitataw ni Ferro nga padayon lang ang ilang pagsunod sa mga health protocols nga ilang daan na nga gitamuran aron usab sa ilang kaugalingong proteksyon apan mas ila lang matud pa nga doblehon karon ang ilang pag-amping.
