NATIONAL NEWS-Gipasalig sa Ubos Balay Balauranan sa Kongreso nga ang resolusyon sa kurapsyon sa National Food Authority apil sa mga amendment nga giduso sa bag-ong Rice Tariffication Law.
Kini isip tubag sa pagsupak ni Sen. Cynthia Villar sa gisugyot nga RTL amendment.
Kay matud pa sa senador, ang hinungdan nga gitangtang ang pagbaligya sa bugas sa NFA tungod sa kurapsyon sa ahensya.
Apan alang kang Deputy Majority Leader Jude Acidre, ang isyu sa kurapsyon dili angay gamiton aron mahikawan ang mga kabus sa baratong bugas.
Ingon man nga gi-uyonan usab kini ni Assistant Majority Leader Mikaela Suansing, nga tinuod nga adunay kurapsyon nga nahitabo sa buhatan sa NFA, apan nausab ang panahon ug kinahanglang susihon pag-usab ang balaod.
Mipasalig usab kini nga usa sa mga gisugyot sa RTL amendment, nga malakip niini ang mga panalipod aron malikayan ang korapsyon.
