Magpadayun gihapon ang mga pagtoun sa mga istudyante taliwala sa mga nahitabong pagtay-og sa yuta gumikan sa nahitabong 6.9 nga linog sa amihanang sugbo.
Matud ni Department of Education Central Visayas Regional Director Salustianio Jimenez, nga padayun gihapoon ang pagtoun sa mga tinunan-an taliwalasa mga aftershocks, ug maghatag ang buhatan ug mga aral programs aron aduna gihapoy tun-an ang bata pinaagi sa modules.
Dugang usab niini pagahatagan ug Psychological First Aid ang sagad sa mga magtutudlo aron nga mas episyente ug epektibo sila sa pagpanarbaho ug nakig alayun usab ang buhatan sa mga lokal nga kagamhanan aron sa pagsuta ug mga istratehiya alang sa padayung pagtoun sa mga kabatan-onan.
Sigon usab ni Jimenez nga nakig-alayon ang departamento sa edukasyon sa mga Disaster Risk Reduction personnel ug mga sakop sa Engineers sa pagsuta sa danyos sa mga classrooms, diin mokabat na sa P4-Billion pesos human sa duha ka semana.
Nakig-alayon usab si Jimenez sa Department of Works and Highways alang sa panginahanglanon sa Quick Response Funds aron nga madali pagpatukod ang mga edipisyo hilabi na sa mga tunghaan nga labing naapektuhan.
Plano usab nga magtukod ang buhatan ug Temporary Learning System aron nga makasinati usab ug temporaryong tunghaan ug interaksioyn ang mga tinun-an.
Sapikas bahin, nakatala ug 1 ka kaso sa nakalas nga kinabuhi sa mga magtutudlo ug laing 12 ang natala sa mga istudyante diin 8 sa dakbayan sa Bogo ug laing 4 sa laing munisipalidad.
