Gikabutyag ni Presidente Volodymyr Zelensky sa Ukraine nga ang iyang mga pakigsulti sa mga US Special Envoy nga sila si Steve Witkoff ug Jared Kushner mabungahon.
Sumala ni Zelensky, nakahatag sila og bag-ong mga ideya aron mapalambo ang kalinaw sa nagpadayon nga gubat tali sa Russia ug Ukraine.
Nahibal-an nga ang mga opisyal sa Amerika ug Ukraine nagkauyon sa usa ka bag-ong “20-point peace plan” nga naglakip sa posible nga pag-atras sa mga tropa sa Russia gikan sa silangang Ukraine, ang pagtukod og demilitarized zone, ug mga garantiya sa seguridad gikan sa US, North Atlantic Treaty Organization (NATO), ug mga nasud sa Europa.
Kaniadto, si Volodymyr Zelensky nag-ingon nga dili nila ihatag ang bisan unsang teritoryo sa Russia.
Diin ang Russia karon nagkontrol sa mga 85% sa Donbas Region.
Samtang, ang Russia nag-evaluate pa sa bag-ong proposal samtang ang panagbangi tali sa duha ka nasud nagpadayon, diin ang duha ka kilid nagreport sa mga pagpamomba ug pag-atake sa Donetsk.
