Gibutyag ni Jed Patrick Mabilog, nga usa sa mga dakong hagit sa buhatan sa Department of the Intertior and Local Government ang padayong pagreporma sa buhatan sa Philippine National Police (PNP), Bureau of Fire Protection (BFP) lakip na ang Bureau of Jail Management and Penology (BJMP) gumikan kay adunay nakitang kakulangan sa mga Jail Facilities sa tibouk nasud ug kinahanglan kini nga adunay imbentaryo aron masolusyunan ang problema sa mga jail facilities.
Lakip nga hagit usab nga gilauman niini ang padayung pagpatuman sa programa sa administrasyon nga “Unified Emergency Hotline” nga naghatag ug solusyon sa dali nga pagrespondi sa panahon sa emerhensiya, diin bout niini nga i-improbar ang serbisyo sa mga key cities, sama sa Metro Manila, Cebu, Davao, lakip na ang Ilo-Ilo.
Gihinimduman usab niini ang mga hagit nga iyang nasinati sa panahon sa adiministrasyong Rodrigo Duterte, diin usa usab siya sa mga Mayor nga gipasanginlang nalambigit sa illegal nga drugas nga miresulta sa iyang pagsibat sa gawas nasud.
Dugang niini, ang iyang nasinati sa panahon ni Duterte usa lamang ka hagit, sa mga local chief executives, diin iyang gibutyag nga dili sayon hilabi na nga naglambigit kini sa pamolitika ug dugay na usab niyang gipasaylo sa Duterte.
Gane, mapasalamaton siya ni Kanhi Mayor nga karon Vice Mayor sa Cebu City, Tomas Osmena, gumikan kay usa siya sa mga ni-unong panahon sa kalisod ug mga hagit nga iyang gisagubang panahon sa pagpanghulga sa mga Duterte.
Mensahi ni Usec. Mabilog, nga unta hatagan sa publiko og oportunidad ang mga nanilbihang opisyal sa gobyerno, aron makapadayon sa pagpakita sa mga angayang reporma nga paggabuhaton aron makab-ot ang bag-ong Pilipinas, og kini mahitabo lamang kung makig-alayon ang tanang sector sa pagkab-ot sa tiunay nga kauswagan sa nasud.
Mapasalamaton si Mabilog, sa administrasyong Marcos, nga siya ang gitudlo isip bag-ong Undersecretary sa Department of the Intertior and Local Government ug misaad nga iyang tumanon iyang mandato aron makapadayon sa mga reporma sa buhatan hilabi na sa public safety.
Sigon ni Mabilog, nga napili siya sa DILG Secretary sa maong posisyon gumikan sa iyang kahanas og mga kasninatian sa panahon nga siya pa ang Mayor sa Dakbayan sa Ilo-Ilo.
