CEBU CITY- Dili lang makahatag og positibong epekto ang pag-host sa Palarong Pambansa karong 2024 sa industriya sa palakasan sa dakbayan sa Sugbo, kondili makatabang usab kini sa pag-abot sa liboan ka mga atleta alang sa turismo ug ekonomikanhong klima sa tibuok Isla sa Sugbo.
Kini an gitino ni City Councilor Donaldo “Dondon” Hontiveros, kanhi professional basketball player, nga ang Palarong Pambansa makatabang sa pagpausbaw sa turismo sa tibuok Probinsiya sa Sugbo.
Matud sa opisyal nga kadaghanan sa mga atleta magdala sa ilang mga pamilya atol sa Palaro.
Sa pikas bahin, miuyon si Department of Education (DepEd) Cebu City Division sports officer Francis Ramirez, nga nagkanayong mokabat sa 15,000 ka mga atleta gikan sa 17 ka rehiyon sa nasod ang gilauman nga mosalmot sa Palaro.
