PALOMPON, LEYTE– Gisiguru ni Jun Veliganio, ang tigpamaba sa lungsod sa Palompon, Leyte, nga luwas ang ilahang karne nga baboy ug hugot ang ‘monitoring’ sa ilahang Municipal Agriculture sa mga tindahan ug mga piggery.
Matud ni Veliganio nga adunay kaugalingon nga source ang Leyte sa karne nga baboy hinungdan nga dili angayan nga kabalak-an ang pagkatap sa African Swine Fever (ASF).
Giingung wala may ‘banning’ apan hugot ang ilahang pag-monitor kung ugaling adunay musulud nga baboy, buhi man o bisan unsa nga pork products nga musulud sa Leyte.
Gipahibalu usab sa maong tigpamaba nga adunay mga dagkung tindahan ang gipa-ubos usab sa inspeksyon ug pag-monitor, ingun man nga walay pagkunhod sa presyo sa mga karne nga baboy.
Nagkanayon si Veliganio nga daghan sa gihapun nga mga kunsomidor sa Leyte ang namalit ug karne sa baboy. (SBR/FDP)
