Cebu City-Nagpakiluoy karon sa Abu Sayyaf ang pamilya ni Noel Esconde , ang kapitan sa F/B Ramona 2 nga gipugutan og ulo sa bandidong grupo nga mabalik kanila ang patayng lawas ni ini.
Sa eksklusibo nga pakighinabi sa Bombo Radyo Cebu kang Rachel Cabredo, ig-agaw ni Noel, gidetalye ni ini ang nahitabong negosasyon nila sa nag pailang kumander sa Abu Sayyaf nga si Abu Asraf Abu. Matud ni Cabredo nga sa wa pa giputan og ulo si Noel, kadaghan higayon nga ni kontak kaniya si Abu Asraf aron mangayo og 5 milyon pesos bugti sa kagawasan sa iyang ig-agaw .
Sanglit wala man silay kuhaan sa maong kantidad mihangyo pa kini ngadto sa mga abu sayyaf nga kung mahimo 500,000 pesos na lamang ang ilang ibayad apan wala musugot si Abu Asraf.
Gibutyag usab ni Cabredo nga nakatawag balik kaniya si Abu Asraf niadtong Abril 13, pila nalang ka oras usa pugutan og ulo si Noel diin naka estorya pa sila sa iyang ig-agaw. Nangyo nalang og pasaylo si Rachel ngadto ni Noel tungud kay wala gyud kini maka kita og 3 milyon pesos para ilukat kaniya gane mihilak nalang si Noel samtang nanugon nalang kini nga dili pasagdan ang iyang 5 ka mga anak.
Giangkon naman ni Esconde nga adunay gihambin nga arthritis si Noel apan dili kini ang rason nganong gipugutan gyud kini og ulo .
Samtang , subling nakadawat og mensahe kagahapong adlawa si Cabredo gikan sa Abu Sayyf diin gihatagan kini sa facebok account ni Abu Asraf og gi -ingnan pa kini nga tan-awon ang video sa pag pugot sa ulo ni Noel sa Youtube.
Nanawagan usab karon ang pamilya ni Noel Esconde ngadto ni Presidente Rodrigo Duterte nga tabangan sila aron mabalik kanila ang patayng lawas sa ilang kabanay , ingon man usab ang paghimo og mga lakang aron dili na masubli ang nahitabo sa ilang kabanay.
