Gianunsyo sa Presidential Anti-Organized Crime Commission (PAOCC) nga daghang mga personahe niini ang nakadawat og mga death threats tungod sa ilang gihimo nga imbestigasyon sa ilegal nga Philippine Offshore Gaming Operator o kon POGO hubs.
Gumikan niini, si PAOCC spokesperson Winston John Casio niingon nga kanunay silang alerto sa bisan unsang posibleng insidente.
Ang PAOCC mao’y nagpaluyo sa pipila ka bag-o nga dagkong pagsikop sa POGO hubs nga nalambigit sa mga kriminal nga kalihokan, lakip niadtong sa Bamban, Tarlac ug Porac, Pampanga.
Tungod niini nga mga operasyon, liboan ka mga Pilipino ug langyaw nga mga nasyonal, lakip ang mga Intsik, Malaysian, ug Vietnamese, ang naluwas ug pipila usab sa mga naluwas biktima sa torture ug kidnapping.
Bisan pa niini, giinsister ni Casio nga usa lang ka civilian agency ang PAOCC ug ang ilang mga personnel kay mga analista lang nga sagad dili mogamit og armas sa mga raid operations.
Una nang giingon sa PAOCC nga adunay dul-an sa 300 ka POGO nga ilegal nga naglihok sa nasud nga dili gustong motuman sa regulasyon sa Philippine Amusement and Gaming Corporation (PAGCOR).
