CEBU CITY-Andam na modawat ang Pardo Elementary School og mga delegado gikan sa region 4-B MIMAROPA nga temporaryong mo puyo sa maong tunghaan gumikan sa ipahigayon nga palarong pambansa dinhi sa sugbo.
Sa pakighinabi sa Bombo Radyo Cebu kang Elsie Colo, School Principal nga adunay 680 ka mga delegado ang gilauman nga maabot ug kasamtangang aduna na’y 18 ka Party Committee ang anaa na sa tunghaan.
Gisaysay pa niini nga sa Hulyo 4 makompleto na ang mga atleta, coaches, staff ug uban pa nga sugaton sa maabi-abihong mga pasundayag susama sa pagpapatukar ug welcome music, drum core ug dance stroop nga gilangkuban sa mga magtutudlo ug magtutungha sa maong skwelahan.
Gawas niini gihimo usab sa Pardo Elementary School ang classrooms nga class homes harung mabati sa deligado nga daw sama nga anaa lang sila sa ilang panimalay, gani nahimo ang maong lakang pinaagi sa pakigtambayayong sa Local Government, Deped Officals, ginikana ug magtutdlo.
Dugang pa sa naasoy nga Principal nga ilang giseguro ang siguridad sa mga deligado pinaagi na sa presinsya sa kapulisan, force multipliers ug mga tanod nga maoy mo mando sa mga sakyanan.
