PARIS, FRANCE-Nakapukaw sa nagdilaab nga argumento ang desisyon ni Paris mayor Anne Hidalgo nga himoong permenenteng kabahin ang Olympic rings sa Eiffel Tower bisan paman nga nahuman na ang summer games.
Matud pa niini nga ang desisyon anaa kaniya ug aduna nay kasabutan sa International Olympic Committee.
Kini nga pahayag misangpot sa pagkaporma sa duha ka managlahi nga mga opinion diin gisuportahan sa pipila ka mga taga-Paris ang desisyon, samtang ang uban nabalaka nga kini makadaot sa imahe sa French capital’s iconic monument.
Ang lima ka ring, nga mao’y simbolo sa Olympics, gibutang sa Eiffel Tower niadtong Hulyo 26 ug gipaabot nga kuhaon sa Paralympics’ closing ceremony sa Septiyembre 8.
Apan, gusto ni Hidalgo nga ipabilin ang simbolo tungod kay nagsimbolo kini sa lima ka kontinente.
