Nalimbuwad sa tiilang bahin sa taytayan nga Marcelo Fernan Bridge (Mactan-Cebu 2nd Bridge) ang usa ka pampasaheroang multicab sa dakbayan sa Lapu-lapu niadtong Dominggo sa gabii, Agosto 3, 2025.
Gikatahong adunay dili muminos 12 ka mga pasahero ang sakay sa maong jeep diin nakamugna og baga nga dout sa trapiko sa maong kadalanan niadtong higayona.
Sumala pa ni City Disaster Risk Reduction and Management Office officer-in-charge Nagiel Bañacia atol sa eksklusibong pakighinabi sa Bombo Radyo Cebu Newsteam nga puno sa pasahero ang jeep nga padulong unta sa Punta Engaño sa dakbayan sa Lapu-Lapu sa dihang nahitabo ang kakulian sa kadalanan.
Dugang sa mga awtoridad nga subay sa inisyal nga imbestigasyon kay adunay mga pasaherong nangaangol lakip niini ang tulo (3) ka bata ug upat (4) ka mga hamtong nga daling gidala sa Lapu-Lapu City District Hospital.
Makita sab sa CCTV footage nga posibleng na-side sweepan kini sa laing sedan-type nga pribadong sakyanan ng daw naglikay og pedestrian diin maoy nakapalimbuwad sa jeep og nadasok sa sidewalk.
Gani ang drayber sa pribadong sakyanan kay gitanggong sa kustodiya sa Traffic Enforcement Unit sa Lapu-Lapu City Police Office aron sa imbestigasyon niini.
Ingon man nga padayong pahimangno sa mga awtoridad ang saktong pamatasan sa pagmaneho sa kadalanan aron malikay sa aksidente sa kadalanan.
