CEBU CITY-Gikalipay sa Deputy Mayor for Sports sa Cebu City nga si Councilor Jun Gabuya ang kalampusan nga nakuha ni Mary Joy Tabala sa nagpsadyon nga South East Asian Games (SEA GAMES) sa Kuala Lumpur Malaysia.
Matud ni Gabuya nga wala gyud nasayang ang iyang paningkamot nga dili matangtang si Tabal sa Philippine Athletics Track and Field Association (PATAFA) tungod kay maayo man gyud ang track records niini. Sigon pa niya nga walay nagdahum nga usa ka gamay nga babae nga gikan sa Cebu ang makakuha sa gold medal sa nasud.
Matud pa usab ni Gabuya nga magsilbi kini nga encouragement para sa lain pang mga atleta sa Cebu nga dili kini musurrender sa ilang pangandoy handtud nga makuha ang kalampusan. Dako usab kini nga tabang sa mga programa sa Cebu city government sa pagtrain sa mga future athletes.
Nasayran nga usa si Gabuya nga mihangyo sa PATAFA nga dili tangtangon si Tabal tunghod kay dako ang iyang salig sa kapasidad sa Cebuana Marathoner.
Samtang matud usab ni Cebu city Councilor Jerry Guardo ang chairman sa Youth Development ng Cebu nga angayan gyud nga tagaan ug pasidungog si Tabal tungod kay siya ang nahimong dalan para mailhan usab ang lain pang Sugbuanon sa natad sa Sports.
Gi-asikaso ba usab niini ang iyang gihimo nga ordinansa nga tagaan og financial assistance ang mga atleta nga gikan sa Cebu nga makakuhan og medalaya gikan sa sports competion nga ilang pagasalmutan.
Gawas niini gitinguha usab karon sa konsehal nga mupasar og resolution kung diin tagaan og reward si Tabal sa iyang pagbalik sa Cebu ug nakig-istorya na usab siya ni Cebu City Mayor Tomas Osmena kalabot sa dugang nga assistance nga ilang ihatag ngadto kang Tabal para sa pagpadayon niini sa iyang training.
