CEBU CITY – Usa ka lalaki sa Ahmedabad, India, namatay human migamit og strong adhesive glue aron “maselyohan” ang iyang pribadong mga piyesa samtang nakigseks. Gikatahong nagpahid og pangpapilit sa iyang kaugalingon si Salman Mirza human kini malimot sa pagdala og kontraseptibo o condom.
Sa pamahayag sa usa ka pulis, nga tungod kay walay proteksyon, nidesisyon kini nga gamiton ang adhesive sa iyang pribadong mga piyesa aron masiguro nga dili kini makabuntis.
Si Mirza ug ang iyang fiancee (gitado ang pangalan) nag-check in sa usa ka lokal nga hotel sa miaging semana.
Nakit-an nalang si Mirza nga wala’y panimuot sa gawas sa balay ug dali kining gidala sa usa ka ospital, apan namatay tungod sa mga komplikasyon lakip na ang multiple organ failure.
Ang kaso wala gipublikar hangtod ning bulan lamang. Giangkon sa mga nakasaksi nga ang magtiayon parehas nga nagumon sa droga ug nahubog sa maong hitabo.
Giangkon usab sa iyang mga higala nga nakagamit ug droga nga nakaapekto sa iyang kahimsog, samtang ang usa ka opisyal miingon nga ang pagpadapat sa papilit nakagrabe sa kahimtang ni Mirza.
Sa pikas bahin, nagkanayon ang pamilya ni Mirza nga ang fiancee niini maoy nagpadapat sa papilit. Gikonsiderar nga aksidente ang pagkamatay ni Mirza.// EKP
