Patayng lawas sa mga biktima sa nahagsa nga eroplano sa Air India, sayop ang nahatod sa pamilya — Abogado
Gipaambit sa usa ka abogado sa mga pamilya sa biktima sa pagkahagsa sa eroplano sa Air India nga adunay seryoso nga mga sayop sa pagbalik sa mga patayng lawas sa mga biktima, lakip na ang pagpadala sa usa ka sagol nga bahin sa lawas ngadto sa sayop nga pamilya.
Matod ni James Healy-Pratt, representante sa 20 ka pamilyang British nga nawad-an og mga minahal sa kinabuhi sa trahedya, ang usa ka lungon nga gipadala sa UK adunay sulod nga “co-mingling” o nagkasagol nga mga parte sa lawas nga dili motakdo sa pagkatawo sa biktima.
Kahinumduman nga ang Boeing 787 Dreamliner nga paingon sa London nahagsa niadtong Hunyo 12, wala madugay human sa pag-takeoff gikan sa Ahmedabad, India.
Diin ang 241 ka mga tawo nga sakay, 169 ang Indian ug 52 ang British – kay tanan namatay ug usa lang ka pasahero, ang naluwas nga si Vishwash Kumar Ramesh.
Gipasalig sa abogado nga magpadayon ang panawagan sa mga pamilya alang sa tukmang pag-ila ug pagbalik sa ilang mga minahal sa kinabuhi. |Bombo Nathaniel
