Bisan paman adunay daghang pagsaway ug buot mobabag sa posibleng pagatukorong artificial intelligence (AI) manufacturing ug logistics sa nasud, sukwahi ang panglantaw sa Presidente niini.
Kini kay matod pa ni Presidente Ferdinand Marcos Jr. sa iyahang State of the Nation Address (SONA) gahapon, makabenepisyo ang mga Pilipino sa pagtukod sa Pax Silica Industrial Hub sa New Clark City, Tarlac, nga gilauman nga mahimong sentro sa paghimo ug logistik sa artificial intelligence (AI) sa nasud.
Diin, gipasigarbo sa Chief Executive nga ang 1,600-ektarya nga industrial hub magmugna og AI ecosystem nga maghatag og dekalidad nga mga trabaho, magpalig-on sa mga kapabilidad sa industriya sa Pilipinas, ug magpalambo sa ekonomiya.
Ang Presidente miingon nga ang proyekto sa Luzon Economic Corridor mahimong usa ka importante nga bahin sa abante nga paggama sa global AI ug technology value chain.
