Balik na sa kadaugang ang koponan nga Barangay Ginebra Gin Kings sa nagpadayong Philippine Basketball Association Season 50 Philippine Cup human gipildi ang Phoenix Fuel Masters sa final score nga 102-93 sa University of Santo Tomas Quadricentennial Pavilion niadtong Dominggo sa gabii, Nobyembre 16.
Gipangulohan ni RJ Abarrientos ang kadaugan sa Gin Kings sa iyang natampo nga 25 points lakip na ang 3-pointer nga nakapanabla sa duwa sa hinapos nga bahin sa Sunday night game.
Giabagan kini ni Scottie Thompson sa iyang 19 points, 10 rebounds, ug unom ka assists ingon man laing upat ka Ginebra players ang mitampo pud og tag-double digits points.
Nakapasubo kini sa Fuel Masters sa mga kumbating lahutay nilang Ricci Rivero, Ken Tuffin, Troy Rosario, ug Tyler Tio sa ilang mga tagsa-tagsa ka mga pamuntos sa duwa.
Sa pagkakaron, ang Ginebra kay anaa nay tulo ka daug ug upat ka pildi nga nagbutang nila sa ika-pito nga dapit sa standings sa liga samtang ang Phoenix kay anaay duha ka daug ug unom ka pildi sa ika-siyam nga pwesto sa standings.
