-- ADVERTISEMENT --
Gipasiugda ni Presidente Ferdinand Marcos Jr. ang pagpalig-on sa kooperasyon taliwala sa mga nasod sa ASEAN diha sa sektor sa enerhiya, aron magpabiling barato ang presyo sa lana, kuryente, ug pagkaon.
Atol sa Leaders’ Retreat sa ika-49 nga ASEAN Summit, gihatagan og gibug-aton ni Presidente Marcos ang pagpalapad sa koneksyon sa enerhiya, pagsuhid sa mga alternatibong tinubdan sa enerhiya, ug ang pagpadali sa paggamit sa renewable energy.
Matod sa Presidente, ang pagsaka sa presyo sa lana ug kuryente adunay direktang epekto sa presyo sa pagkaon, operasyon sa mga negosyo, ug sa panginabuhian sa mga Pilipino.
Giduso usab sa Pilipinas ang ASEAN Power Grid aron masiguro ang mas lig-on ug kasaligan nga suplay sa enerhiya sa tibuok rehiyon.











