Giklipay ni Presidente Ferdinand Marcos Jr. ang hingpit nga pagbasura sa impeachment complaint nga gisang-at batok kaniya sa House of Representatives.
Niadtong Miyerkules, gibasura sa House Justice Panel ang reklamo human niya gitino nga kini insufficient in substance.
Gidayeg sa Presidente ang House of Representatives sa hustong pagtuman sa mga katungdanan niini.
Sumala sa Presidente, wala siya nabalaka sa mga reklamo nga gisang-at batok kaniya tungod kay walay klaro ug igo nga basehan sa iyang pagtangtang sa pwesto.
Gipaambit usab niya nga personal niyang nabasa ang sulod sa reklamo.
Sa pagkakaron, sumala sa Presidente, nagpabilin siyang komitado sa pagtrabaho alang sa kaayohan sa nasud ug pagpauswag sa kinabuhi sa mga Pilipino.
Dugang niya nga ang pagbasura sa mga reklamo sa impeachment magtugot sa gobyerno nga mag-focus sa pagpatuman sa mga importanteng programa ug proyekto alang sa nasud.
