Gimando ni Presidente Ferdinand Marcos Jr. ang pagkumpiska sa mga helicopter nga iya sa pugante nga si Zaldy Co.
Sa usa ka video message, gimandoan sa Presidente ang Department of Transportation (DOTr) ug ang Civil Aviation Authority of the Philippines (CAAP) nga makig-alayon sa ilang mga katugbang sa Malaysia ug Singapore aron ibalik ang maong mga helicopter sa nasud.
Sumala sa Presidente, ang maong mga helicopter narehistro pa sa iyang kompanya, ang Misibis Aviation and Development Corporation.
Gipasiugda ni Presidente Marcos nga tungod kay adunay freeze order gikan sa AMLC, ang pag-dispose sa maong eroplano hugot nga gidili.
Gipasiugda sa Chief Executive nga ang mga pugante kinahanglan mahibalo nga ang ilang mga kabtangan gikan sa public treasury dili magamit.
Nanawagan pag-usab ang Presidente sa mga pugante nga mopauli na tungod kay dili na sila mga turista, gipangita na sila sa balaod.
