Nanghinaot si Presidente Ferdinand Marcos Jr. nga ma-reset o ibalik ang relasyon sa Pilipinas ug China ngadto sa mas maayong lebel ug malikayan ang pagsubli sa mga insidente nga nagdugang sa tensyon tali sa duha ka nasud.
Sumala ni Claire Castro, kini ang pangunang mensahe sa Presidente atol sa iyang usa ka oras ug baynte minutos nga miting uban kang Chinese Ambassador Jing Qiang.
Midumili usab si Castro sa pagpahibalo sa publiko sa mga detalye sa panagsulti tali sa Presidente ug sa Chinese ambassador tungod kay ang duha ka habig miuyon nga itago kini nga confidential.
Bisan pa, miingon siya nga maayo ang ilang diskusyon ug adunay pagbayloay og mga panan-aw ug mga sugyot.
Mitubag si Castro sa pahayag ni Chinese Ambassador Jing Qiang, nga nag-ingon nga ang gobyerno wala pa mokumpirma sa usa ka kasabutan bahin sa gitawag nga “Hulyo 2024 arrangement” nga nalambigit sa BRP Sierra Madre sa Ayungin Shoal.
Gihagit ni Castro ang China nga ipagawas ang nahisgutang kasabutan.
Nahisgotan ni Castro ang init nga gilantugian nga isyu sa giingong “sekreto nga kasabutan” tali sa kanhing administrasyon ug sa Beijing bahin sa BRP Sierra Madre.
