Nanawagan si Presidente Ferdinand R. Marcos Jr., alang sa mas estrikto nga mga lagda sa visa nga pagpatuman alang sa mga foreign nationals nga mosulod sa nasud.
Nunot kini sa nagkadaghan nga ihap sa mga langyaw nga nalambigit sa pagpanglimbong sa nasud.
Matud pa ni Marcos nga kinahanglan nga pahugtan ang enforcement gumikan sa mga mitumaw nga problema sama sa pagkuha og mga peke nga mga dokumento, iligal nga mga kalihokan, ingon man ang pagpangilad ug ang human trafficking.
Dugang pa niini nga ang maong pagpahugot ipatuman sa tanang nasyonalidad.
Gani ang buhatan sa Department of Foreign Affairs bag-o lang nagpahibalo nga ilang gipahugtan ang ilang mga lagda alang sa mga Chinese national nga nag-aplay alang sa mga visa sa Pilipinas taliwa sa giingong pagsulbong sa mga kriminal nga kalihokan nga naglambigit sa mga Chinese national, partikular na sa Philippine Offshore Gaming Operations.
