Gipahibalo ni Presidente Ferdinand “Bongbong” Marcos Jr. ang pagbalik sa pagdumala sa isports ngadto sa Department of Education (DepEd).
Gihimo sa Presidente ang pahibalo samtang mitambong sa pag-abli sa Cagayan Provincial Athletic Association (CPAA) nga gipahigayon sa Camalaniugan Sports Complex sa Cagayan.
Sumala sa Presidente, ang maong lakang magpalambo sa natad sa paugnat sa kusog sa mga estudyante.
Gipasiugda sa Presidente nga ang pagbalik sa isports ngadto sa DepEd kay aron ang mga batan-on makasinati og isports, mapalig-on ang ilang mga lawas ug makakat-on unsaon pagpakig-uban sa ubang mga team ug ubang mga tawo.
Kahinumduman nga ang DepEd kaniadto gitawag nga Department of Education, Culture and Sports (DECS) diin ang mga isports gikuha gikan sa mga eskwelahan.
