Nagpaabot og pahasubo si Presidente Ferdinand Marcos Jr. sa Venezuela human sa magnitude 7.2 ug 7.5 nga linog nga miigo sa nasud.
Matud sa Presidente, nakiduyog ang katawhang Pilipino sa Venezuela sa pag-atubang sa trahedya.
Mipahayag usab siya sa iyang kinasingkasing nga pahasubo sa mga pamilya sa mga biktima.
Naglaum usab si Presidente Marcos alang sa kaluwasan sa mga naapektuhan ug sa dali nga pagbangon sa mga komunidad nga naguba sa linog.
Sumala sa mga taho, labing menos 32 ka mga tawo na ang namatay, kapin sa 700 ang nasamdan, ug ang linog nagbilin og dakong kadaot sa mga building ug komunidad.
Gikumpirmar usab sa Department of Foreign Affairs (DFA) nga ‘walay mga Pilipino nga nasamdan o namatay sa duha ka kusog nga linog nga miigo nasud.
Sumala sa DFA, padayon nilang gimonitor ang sitwasyon pinaagi sa Embahada sa Pilipinas sa Bogota, Colombia, nga nagdumala usab sa mga Pilipino sa Venezuela.
Ang embahada nakig-alayon usab sa mga Pilipino nga nagpuyo sa Caracas ug sa siyudad sa Barinas aron masiguro ang ilang kaluwasan.
Sa pagkakaron, ang DFA miingon nga wala pa silay nadawat nga mga report sa bisan unsang mga kadaot o kamatayon sa mga Pilipino tungod sa linog.
