Gihangop ni Presidente Ferdinand R. Marcos Jr., ang pagbisita sa nasud ni United States Indo-Pacific Command Admiral Samuel Paparo sa Malacañang Palace diin ilang gihisgutan ang mga isyu sa depensa ug seguridad.
Atol sa tigum, si Marcos mipadayag og pagkamalaumon nga ang relasyon sa Pilipinas sa USINDOPACOM molambo ubos sa pagpangulo ni Paparo.
Gipasalamatan usab ni Marcos si Paparo sa pagpangita og panahon sa pagbisita sa Pilipinas ug paglibot sa pipila ka mga site sa Enhanced Defense Cooperation Agreement (EDCA) aron makita ang tinuod nga sitwasyon sa ground.
Ingon man nga basi sa pahayag ni Communications Secretary Cheloy Garafil nga ang panagtagbo ni Marcos ug Paparo nakatutok sa pasalig sa Pilipinas ug sa US sa pagpalig-on sa ilang panag-uban sa depensa ug seguridad.
Si Paparo gikatakdang mobisita sa usa ka EDCA site karong adlawa ug motambong sa Annual Meeting sa Mutual Defense Board ug Security Engagement Board sa Baguio City ugmang adlawa, Huwebes.
