CENTRAL VISAYAS- Gipangunahan sa Coast Guard District Central Visayas ang kick-off event sa 25th National Maritime Week (NMW) nga adunay tema nga “Navigating the Future: Safety First,” ug ang 29th National Seafarers Day (NSD) nga adunay tema nga “Marinong Filipino: Ligtas na Paglalayag!” nga gipahigayon sa CGDCV Headquarters, Pier 3, Arellano Blvd., Cebu City, gahapon adlawa, Setyembre 22, 2024.
Gipasabot ni PCG Ensign Abel Lomboy, ang tigpamaba sa PCG District Central Visayas, nga ang selebrasyon gisugdan pinaagi sa motorcade, gisundan sa usa ka santos nga misa ug ang Official Opening Ceremony sa Maritime Week.
Kini nga kalihokan naghiusa sa nagkalain-laing stakeholders gikan sa mga ahensya sa gobyerno, training schools, ug pribadong organisasyon nga nalambigit sa maritime industry sa tibuok Central Visayas Region.
Dugang pa, isip bahin sa kapistahan, usa ka ‘simultaneous blowing of ship horns’ ug ang pagsul-ob sa mga barko ang gipahigayon, nga adunay partisipasyon gikan sa daghang mga barko sa tibuok rehiyon.
Ang Philippine Coast Guard nanguna sa ika-25 nga National Maritime Week nga selebrasyon uban ang sunod-sunod nga mga kalihokan, lakip ang maritime forums, seminars, ug coastal clean-up initiatives sa mga distrito sa PCG, sugod sa Septiyembre 22 hangtod 29, 2024.
Dugang pa ni Lomboy,nga ang adbokasiya sa kasaulogan sa National Maritime Week kay ang pagpahibalo sa publiko kabahin sa luwas nga paglawig sa kadagatan ug kabag-ohan sa atong dinamikong industriya, samtang nagsaulog usab sa adunahan nga maritime nga kabilin ug nagpalig-on sa ilahang pasalig sa kaluwasan sa dagat.
