Gipasalig sa Philippine Coast Guard (PCG) ang ilang kaandam sa pagtubag sa posibleng dugang nga kadaot sa sitwasyon sa bulkang Mayon.
Kini human sa pagpataas sa alerto alang sa maong bulkan tungod sa bag-ong pagsaka sa mga kalihokan niini.
Sumala sa PCG, ang Coast Guard District Bicol nag-andam na sa ilang Disaster Response Group (DRG) Teams, nga makasuporta sa bisan unsang operasyon, sama sa pagpabakwit sa mga sibilyan.
Ang pagmobilisa sa DRG Teams kay usa ka proactive nga lakang aron masiguro ang kaandam ug diha-diha nga pagtubag kung adunay posibleng pagbuto sa bulkan nga mahimong makaapekto sa mga komunidad sa baybayon ug kasikbit nga mga lugar sa rehiyon sa Bicol.
Ang DRG Teams gibutang usab sa heightened alert status aron magpahigayon og search and rescue operations, humanitarian assistance, evacuation efforts, ug maritime safety operations kung gikinahanglan.
Sa samang higayon, ang tanang asset sa maong coast guard district kay naka-standby alang sa deployment bisan unsang orasa.
Gitambagan usab sa Coast Guard District Bicol ang publiko, ilabina ang mga residente duol sa Bulkang Mayon, nga hugot nga sundon ang mga pahibalo sa mga awtoridad ug likayan ang pagsulod sa gidili o delikado nga mga lugar.
