CEBU CITY-Dili pabor si PCI Jovie Espenido ang hepe sa Ozamis City sa gipagawas nga desisyon sa House Representative kung diin 1,000 pesos lang ang approved budget para sa Commission on Human Rights o CHR.
Matud ni Espinedo nga dili pwde mawala ang presenysa sa CHR sa Pilipinas sanglit kini man ang nagbalanse sa mga nahitabo sa nasud ilabina sa mga krimen.
Apan bisan paman, gihimug-atan usab ni Espenido nga ang wala lang niya mauyuni sa CHR ay ang pagapil-apil niini sa presidente ug sa mga PNP Chief sa mga krimen nga nahitabo sama nalang sa kaso ni Kian delos Santos. Matud niya dili usab pwede nga apil-apilon ang presidente o mga chief PNP sa mga susamang krimen tungod dili man kini ang maoy mibuhat.
Gihimug-atan usab ni Espenido nga kung adunay imbestigahan sa usa ka krimen kana lang ang angayan nga pokusan sa CHR. Sa nahitabo karon sigon ni Espenido nga adunay pipila sa CHR nga manumangil basi sa espekulasyon lang.///
