Posible nga mohunong ang padayon nga pag-ubos sa Philippine peso ug moduol sa ‘narrow range’ niini human sa pag-ubos sa bag-ong record low.
Sumala ni Rosemarie Edillon, Undersecretary sa Department of Economy, Planning, and Development (DEPDev), nga gilauman nila ang pipila ka sideways movement sa piso sa Pilipinas karong tuiga.
Busa, ang piso mahimong mosaka ug moubos, apan ang pag-ubos dili magpadayon o adunay mahait nga pagsaka.
Dugang usab niini nga ang trend sa Estados Unidos adunay dako nga epekto sa direksyon sa piso.
Sumala ni Edillon, ang merkado nagduha-duha pa kon unsaon paghubad ang bag-o nga mga lihok sa US.
“Everybody’s still weighing in, is this a good or a bad thing,” pasabot niini.
Nasayran nga ang peso nisira sa kinaubsang P59.355 batok sa dolyar niadtong Miyerkules.
Sa sunod nga pipila ka adlaw, gilauman ni Edillon nga ang ubang mga mamumuhunan maghulat una sa dili pa mohimo og aksyon.
“Others will still adopt a wait and see attitude,” matod ni Edillon.
