Gisang-at sa Korte Suprema ang usa ka petisyon alang sa katin-awan sa impeachment process.
Kini taliwala sa nag-ung-ong nga impeachment trial ni Bise Presidente Sara Duterte.
Ang petitioner nga si Barry Tayam, usa ka magtutudlo sa senior high school, nga nag-awhag sa SC sa pagtubag sa piho nga mga pangutana sa konstitusyon ug mga kabalaka kalabot sa mga aksyon sa ehekutibo ug lehislatibo nga mga sanga sa gobyerno kalabot sa pagtangtang ni VP Sara.
Matod niya, gusto niyang mahibaw-an kung unsay buot ipasabot sa “forthwith” tungod kay managlahi ang interpretasyon ni Senate President Chiz Escudero ug sa ubang legal experts.
Gitumbok usab ni Tayam ang Section 3(4) sa Article XI nga nag-ingon nga kinahanglang “mopadayon dayon” sa “forthwith” ang Senado sa higayon nga masumiter na ang anaa sa one-third sa House members.
Apan una nang niingon si SP Escudero nga mahimo lang mag-convene ang Senado isip impeachment court kon mobalik na sa sesyon ang Kongreso human sa ikaupat nga State of the Nation Address (SONA) sa Presidente sa Hulyo.
Karong bag-o usab, si Escudero nipagawas og inisyal nga ‘timetable’ diin posibleng magsugod ang trial sa Hulyo 30.
Kalabot niini, niingon ang petitioner nga iyang gihangyo ang korte nga determinahon kon constitutional pa ba kini o kon nalangan ba ang proseso sa impeachment.
Gipangutana usab niini ang korte kon aduna bay kalapasan sa katungod sa Bise Presidente.
Sa laing bahin, giklaro ni Tayam nga walay politically motivated ang iyang pagsang-at sa petisyon sa SC ug walay nisulti kaniya, apan nabalaka lang siya.
