Hingpit nga gidawat ni Presidente Ferdinand “Bongbong” Marcos Jr. ang papel isip bag-ong chairman sa Association of Southeast Asian Nations (ASEAN) human gihatag ni Malaysian Prime Minister Anwar Ibrahim ang ASEAN Chairship mavel ngadto kaniya atol sa seremonya sa pagsira sa ika-47 nga ASEAN Summit.
Ang seremonyas gipahigayon sa Kuala Lumpur, Malaysia, diin ang mga lider sa ASEAN nagtigom aron hisgutan ang mga importanteng isyu sa rehiyon, lakip ang seguridad, ekonomiya, ug kooperasyon sa rehiyon.
Sa iyang mubo nga pakigpulong, si Presidente Marcos Jr. nagpahayag sa iyang pasalamat sa pagsalig nga gibutang sa Pilipinas ug gipasalig ang iyang dedikasyon sa pagpalambo sa kalinaw, kalamboan, ug panaghiusa sa Southeast Asia.
Ang ASEAN Chairship usa ka tinuig nga posisyon nga gihuptan sa usa ka miyembro nga nasud, nga adunay katuyoan sa pagpanguna sa mga miting, pagpalambo sa mga adbokasiya sa organisasyon, ug pagpalig-on sa mga relasyon taliwala sa mga miyembro nga nasud.
Katapusang gihuptan sa Pilipinas ang ASEAN Chairship niadtong 2017, diin ang inklusibo nga pagtubo, seguridad sa kadagatan, ug koneksyon sa rehiyon mao ang sentro sa mga diskusyon.
