Philippine Deposit Insurance Corp. (PDIC) nanawagan sa publiko nga magtigom sa bangko

Nagpadayon sa pagdasig ang Philippine Deposit Insurance Corp. (PDIC) ngadto sa publiko ang kamahinungdanon sa pagdeposito sa ilang kuwarta sa bangko.

Matod ni Sandra Diaz, ang senior vice president sa Management Services Sector sa PDIC, importante gihapon ang pagtigom sa bangko.

Katuyoan niini nga maprotektahan ang mga publikong depositor, ilabina ang mga gagmay nga depositor, aron maseguro ang kaluwasan sa ilang mga kuwarta nga gikugihan.

Gumikan mamahimong protektahan sa PDIC ang mga kwarta niini kung adunay kasamok nga motumaw sa bangko.