PHIVOLCS, natala nga volcanic smog gikan sa Taal volcano

Gipahimangnoan sa PHIVOLCS ug local health officials ang publiko batok sa volcanic smog nga naobserbahan sa probinsya sa Batangas ug mga silingang lugar.

Daghan ang nakamatikod sa baga nga smog sukad kagahapon ug daghan ang nagtuo nga gikan kini sa pagbuto sa bulkan sa Isla sa Negros.

Apan gipasabot sa PHIVOLCS nga gikan kini sa lahi nga aktibidad sa bulkan ug nasubay sa bulkang Taal.

Kagahapon ang Taal adunay taas nga volcanic sulfur dioxide emission nga niabot sa 11,072 tonnes kada adlaw.

Gitambagan ang publiko nga mogamit ug facemask o dustmask aron malikayan ang paghingos sa smog.

Kung dili kini kinahanglan, mahimo ka una nga magpabilin sa imong balay o lugar nga wala’y daghang abog o abo gikan sa bulkan.