CEBU – Dili pa hingpit nga gawasnon ang Pilipinas sa kamot sa mga langyaw.
Kini ang panglantaw ni Julito “Tatay Bom” Canoy, usa ka kanhi miyembro sa New People’s Army (NPA).
Matud pa ni Canoy nga ang Pilipinas gi-ilogan sa mga dagko nga nasud, susama na lang sa Estados Unidos ug China, ug si bisan kinsa nga lider sa nasud ang padayon lang usab nga nagsunod-sunod sa kagustohan sa mga langyaw nga nasud.
Sigon pa nga ang nasud karun ang matawag nga ‘semi-colonial’ diin Pilipino ang mga lider, apan dili mawakli nga nag-agad ug nagsunod-sunod sa gihapon sa kung unsa may gusto sa mga dagkong nasud ilabi na sa Estados Unidos.
Hinuon, gitataw ni Canoy nga angayan man nga ikalipay ang nakab-ot nga kaugalingnan sa Pilipinas apan dili gayud sa hingpit tungod kay dili pa makabarug ang nasud kung wala ang mga gamhanan nga nasud.
