Gipaniguro ni Presidente Ferdinand “Bongbong” Marcos Jr., nga dili gayod magpasakop ug magpadaogdaog ang Pilipinas sa bisan kinsa.
Mao kini ang nahimong pamahayag sa Hepe Ehekutibo kabahin sa bag-ong agresibong aksyon sa China Coast Guard batok sa mga sundalong Pilipino nga nagpahigayon og rotation ug resupply mission sa BRP Sierra Madre sa Ayungin Shoal ug West Philippine Sea.
Gihatagan og gibug-aton sa Presidente nga ang depensa sa atong nasud kinahanglang magpabiling matinud-anon sa pagsulbad sa isyu nga malinawon.
Gitataw pa ni Presidente Marcos nga ang Pilipinas dili mohimo og mga lakang nga moresulta sa pag-aghat sa gubat ug pagpasakit sa uban.
Dugang pa sa opisyal nga ang depensa sa nasud kay ang ilang nagpabilin nga matinud-anon sa pagka-Pilipino nga nagtinguha nga husayon ang tanan nga mga isyu sa malinawon nga paagi ug dili modangop sa paggamit sa kusog o pagpanghulga, o tinuyo nga maghatag kadaot o kadaot sa bisan kinsa.
