Gipahibalo ni National Maritime Council Spokesperson Vice Admiral Alexander Lopez nga moduso og laing diplomatic protest ang Pilipinas kalabot sa labing bag-o nga makuyaw nga maniobra sa China sa barko sa Pilipinas sa Escoda shoal.
Matod ni Lopez, nagpabiling pasalig ang gobyerno sa direktiba ni Presidente Bongbong Marcos nga sulbaron ang insidente pinaagi sa diplomatic approach ug malinawon nga resolusyon.
Gipasabot ni Lopez nga dili kabahin sa interes sa Pilipinas ang pagbalos sa bangis nga aksyon sa China.
Bisan pa niini, ang NMC nagpabilin nga ang nasud magpadayon sa pag-angkon sa katungod ug hurisdiksyon sa Pilipinas sa West Philippines Sea.
Ingon man nga ang gobyerno magpadayon usab sa paghimo sa naandan nga mga kalihokan sa kadagatan ug pagpanalipod sa teritoryo ug maritime zone gikan sa pagkadaot sa kinaiyahan ug uban pang mga ilegal nga kalihokan.
